Taamaattunik nalilersuutaasussanik sakkuliornermi, imminullu nalilersornissamut sakkussanik pilersitsinissamut Ilisimasatigut tunngaviit NVL-imi Nordisk ekspertnetværk for Valideringimit pinngorput
Piginnaasaqarfigeriikkanik naleqalersitsinermut (ilaatigut realkompetencevurderingimik taaneqartartumut) tunngasunik, politikkikkut iliuuserineqartartutigullu inerisaanermik suliaqarfiit, nunani avannarlerni qitiusut netværkimut ilaapput, aamma Kalaallit Nunaat, Savalimmiut Ålandilu taakkunani peqataapput. Netværki taanna 2005-miilli sulisinneqalerpoq, taamani Nordisk Ministerrådip piginnaasaqarfigeriikkat (Realkompetencit) akuersaarlugillu naleqartutut inissisimalernissaannik ukkataqarnerunissaq siunniummagu, nunallu avannarliit inersimasut ilinniartitaasarnerannut tunngatillugu suleqatigiinneranni pingaarnersiukkat ilaatut inissillugu
NVL-imi aaliangiisoqarnikuuvoq piginnaasaqarfigeriikkanik (Realkompetencinik) naleqalersitsilluni (Realkompetencevurderinginik RKV-nik) suliaqartunut sakkussamik atoruminarsakkamik pilersitsineq, Nunani avannarlerni allanilumi tamakkuninnga suliaqartunut tamanut iluaqutaalluarsinnaasoq. Siornatigut ekspert netværki RKV-mut sakkussanik innersuussutinillu arlaqartunik suliaqareersimagaluarpoq, kisianni taakkua pdf-filiupput, dokumentillu tamarmik immikkuutitaarlutik. Sakkut taakkua inerisaqqinneqarnerat taannalu peqatigalugu atuisunut atoruminarsaaneq pissutigalugit, Nunani avannarlerni pitsaassutsimut sumiissusersiuut pilersinneqarpoq. Taanna akeqanngitsumik atugassiaavoq, RKV-mik suliaqarnermi suleriutsinik, suliallu ingerlariusaannik pitsaanerulersitsissaaq
Nunani avannarlerni RKV-mut politikkit suleriutsillu, Europami aaqqissuussatigut aaqqissuussaanngitsutigullu piginnaasaqarfigilersimasanik naleqalersitsilluni periusaasunut siunnersuisooqatigiinnittaaq innersuussutigisaasunut malittarinnipput. Nunani avannarlerni RKV-mik suliaqarnermi, inuup ilikkagaannik suussusersineq, takussutissaliineq, naliliineq, ilisarinninneq akuerisaasunngortitsinerlu pineqarput, tamatumani ilikkarfiit assigiinngitsut soorlu pisortatigoortumik ilinniarfiit aqqutigalugit ilikkakkat, aamma pisortatigoortuunngitsuni aaqqissuussaasunili aamma aaqqissuussaanngitsuni ilikkakkat tamarmik pineqarput
Suliap matumap ingerlanneqarnerani nunat assigiinngitsut, iliuuseqartuusullu assigiinngitsut assigiinngiaartunik taaguusersuuteqarput. Taaguutit ilaatigut makkuupput: Aaqqissuussaassutigut aaqqissuussaanngitsutigullu ilikkakkat (VFNFIL Validation of Non-formal and Informal Learning) ilikkareersimasanik ilisarinninneq (RPL, Recognition of Prior Learning), ilikkareersimasanik naliliineq akuerisaasunngortitsinerlu (PLAR, Prior Learning Assessment and Recognition); Ilisarinninneq, aaqqissuussatigut aaqqissuussaanngitsutigullu ilikkakkanik pisortatigoortumik akuerisaasunngortitsineq. Naak taaguutit atorneqartut amerlagaluartut, suliap ingerlarngani anguniagaq ataasiusoq tassaavoq ilikkareersimasat piginnaasallu ersarissitinnissaat
