RKV-mut tunngasunik politikkit suleriusaasartullugu pillugit nalilersuinermi sakkussaq arfineq marlunnik immikkoortortaqarpoq, taakkualu ataani arlariinnik nalilersuutinik immikkoortuarartaqarluni
Nalileersuutit tunngavigalugit RKV-mik aaqqissuussaaneq nalilersorukku, RKV-mik aaqqissuusaanersi tamakkiisumik isigalugu qiviarsinnaalissavat, tamatumani nukittuffiit sanngiiffiillu takusinnaalissallugit. Apeqqutit ilai ilissi RKV-mik aaqqissuussaanissinnut attuumassuteqanngippata, taava akissut "pisariaqanngilaq" toqqarsinnaavat. Innersuussutaavoq una nalilersuineq ukiut marlukkaarlugit ingerlanneqartassasoq, taamaasiornikkut ineriartornerit tamakkiisumik takuneqarsinnaassammata
NB! Nunagisanni Reakompetencevurderingimut aaqqissuussaanerit amerlasuut atorneqartarsimappata (Soorlu ilinniartitaanermut sammivinni assigiinngitsuni), taava innersuunnarpoq periuseq ataaseq aallaavigalugu akissuteqarnissat. Aaqqissuusaanerit tamaasa nalilersorusukkukkit, apeqqutit ammasut, nunagisanni suleriutsinut politikkinullu assigiinngitsunut tunngasut akissagitit kissaatiginarpoq
Una sakkoq aamma periarfissiivoq RKV-mut tunngasumik aaqqissuussaanissinnut pitsanngorsaanissannut inerisaanissamillu pilersaarusiornissamut
Anguniagaq: RKV-imik suliaqarnivit aaqqissuussaaneranik (Piffissaq qanittoq isigalugu) nalilersuineq, (Piffissaq ungasinnerusoq isigalugu) nakkutilliineq, tamatumanilu RKV-inik aaqqissuussinerit assigiinngitsut akornanni nalilersuinermi naleraliorneq
Kikkunnut: Inunnut piginnaasareriikkanik naleqalersitsinermik kiisalu politikkinik suliaqartunut (Soorlu ass. ilinniartitaanermi oqartussaasunut imlt. aaliangiisartunut), imlt. (suliaqarfiit assigiinngitsut nunalluunniit assigiinngitsut akornanni) naleraliornernik suliaqartunut.
Angusaq: Piginnaasaqarfigeriikkanik naleqalersitsinermi aaqqissuussaanernut tunngasunik taakkunanilu pitsaaqutit kiisalu immikkoortut ineriartorteqqinneqarnissamik pisariaqartitsiffiusut pillugit grafiskiusunik paasissutissaqalerneq.
Sakkoq una, NVL-imi nalunaarusiamit :"Validation and the Value of Competences – Roadmap 2018"-mi aallaaveqarpoq.